«Դեմագոգիայով եք զբաղվում»․ «Լռե՛ք, Դուք-ով խոսե՛ք». լեզվակռիվ՝ ԱԺ-ում (տեսանյութ)

Նոր ինձ մեղադրում եք, ասում եք սուտ եմ խոսում, բայց դուք եկել եք այստեղ սուտ եք խոսում։ Այս մասին այսօր իր ելույթի ժամանակ ասաց ԱԺ նախագահ Ալեն Սիմոնյանը՝ դիմելով «Հայաստան» խմբակցության պատգամավոր Արմեն Ռուստամյանին։ 

«Ուզում եք ասել՝ չգիտե՞ք, որ այդ գործընթացն ավարտված է համարվում, երբ որ մենք փոխանակվում ենք այդ պրոցեսի ավարտման մասին արձանագրություններով։ Այսինքն, եթե մենք այդ փաստաթուղթը ավարտին հասցրած չենք փոխանցում, այդ գործընթացը չի սկսվում։ Հասկանո՞ւմ եք ինչ եմ ասում․․․ այսինքն հասկացել ու եկել եք այստեղ հակառակն եք ասո՞ւմ։ Գոնե մի ասեք հասկացել եք։ Ես հասկանում եմ դուք ուզում եք՝ Հայաստանը սահման չունենա, պետականություն չունենա․․․»,- ասաց Ալեն Սիմոնյանը։ 

«Դեմագոգիայով եք զբաղվում»,- տեղից արձագանքեց Ռուստամյանը։ 

Ալեն Սիմոնյանը հունից դուրս եկավ․ «Դեմագոգիայով զբաղվում եք դուք, գալիս եք այստեղ ինչ եք անում ես չեմ հասկանում։ Ասել էիք քննարկմանը չեք մասնակցելու, մի՛ մասնակցեք։ Գալիս եք այստեղ ինչ եք անում ոչ ոք չգիտի»,- ասաց Սիմոնյանը։ 

Լեզվակռվին միջամտեց ԱԺ փոխնախագահ Ռուբեն Ռուբինյանը․ «Լռե՛ք, Դուք-ով խոսե՛ք»։