Հիմնավոր կասկած կա՝ կանոնակարգը միտված է հերթական զիջումներին. «Պատիվ ունեմը» չի մասնակցի քննարկմանը (տեսանյութ)

«Հիմնավոր կասկած կա, որ Հայաստանի եւ Ադրբեջանի սահմանազատման հանձնաժողովների կանոնակարգը միտված է հետագայում արդարացնելու հերթական հակապետական զիջումները: Հաշվի առնելով դա  ու այն փաստը, որ ՍԴ-ն որոշման մեջ բացարձակ հարցին չվերաբերող մեկնաբանություն է  ներկայացրել, հիմնավոր կասկած է առաջանում, որ սույն գործողությունները միտված են հետագայում ծառայելու որպես  հերթական հակապետական զիջումների արդարացում: Այդ ու այլ պաճառներով էլ «Պատիվ ունեմ» խմբակցությունը չի մասնակցի կանոնակարգի քննարկմանն ու քվերակությանը»,- այս մասին, այսօր ԱԺ-ում, ՀՀ-ի ու Ադրբեջանի միջև սահմանազատման հանձնաժողովների կանոնակարգի վավերացման հարցի քննարկման ժամանակ ասաց «Պատիվ ունեմ» խմբակցության ղեկավար Հայկ Մամիջանյանը՝ նշելով, որ դիրքորոշման վերաբերյալ առավել մանրամասն կներկայացնեն ՀՀԿ Գործադիր մարմնի հայտարարության մեջ, որը կտարածեն այսօր:

Մինչ կանոնակարգը ներկայացնելու համար ամբիոնին կմոտենար փոխվարչապետ Մհեր Գրիգորյանը՝ ընդդիմադիր «Հայաստան» և «Պատիվ ունեմ» խմբակցությունների պատգամավորները լքեցին նիստերի դահլիճը։