Սիրիական բանակը լքել է Պալմիրան. Al Jazeera

168.am

Սիրիական կառավարական ուժերը նահանջել են Պալմիրայից, որը գտնվում է Հոմս նահանգի կենտրոնական հատվածում, և այսպես կոչված, Սիրիական ազատ բանակի ստորաբաժանումները մտել են քաղաք։ Այս մասին հայտնում է քաթարական Al Jazeera հեռուստաալիքը։

Նրա աղբյուրների համաձայն՝ գրոհայիններին հաջողվել է գրավել զենքի պահեստներ, որոնք օգտագործվում էին զինվորականների կողմից։ Բացի այդ, զինյալները վերահսկողություն են հաստատել Հոմս նահանգի հարավում գտնվող Ջեբել ալ-Ղուրաբ ռազմավարական կարևոր տեղանքի վրա։

Ավելի վաղ Al Hadath հեռուստաալիքը հայտնել էր այս տարածքը «Սիրիայի ազատ բանակի» վերահսկողությանը հանձնելու մասին։

Պալմիրան հնագույն քաղաք է, որի ավերակները գտնվում են ժամանակակից Թադմորի մոտ։ 2015 թվականի մայիսին Պալմիրան գրավել են «Իսլամական պետություն» ահաբեկչական կազմակերպության զինյալները։ Սիրիացի զինվորականները ռուսական ավիացիայի աջակցությամբ ազատագրել են քաղաքը 2016 թ. մարտին, սակայն ծայրահեղականները վերականգնել էին վերահսկողությունը դրա վրա դեկտեմբերին։ Սիրիայի կառավարական ուժերին հաջողվել էր 2017 թվականի մարտին ռուս զինվորականների օգնությամբ հետ գրավել Պալմիրան։