Ահաբեկիչները գրավել են Դամասկոսը․ փողոցներում ինտենսիվ կրակոցներ են
Աշխարհ
Դամասկոսի փողոցներում ինտենսիվ կրակոցներ են լսվում, զինված ընդդիմադիր կազմավորումները առաջ են շարժվում քաղաքի կենտրոնական փողոցներով։ Այս մասին ՏԱՍՍ-ին հայտնել են ականատեսները։
«Հիմա փողոցներում ուժեղ կրակոցներ են լսվում, ընդդիմությունը քաղաքում է, առաջ են շարժվում , փողոցներում շատ մարդ կա։ Կարելի է ենթադրել, որ օդ են կրակում, զոհեր չկան խաղաղ բնակիչների շրջանում»,- ասել է գործակալության զրուցակիցը։
«Դեռևս հեռուստատեսությամբ ոչինչ չեն ասել, բայց բոլորը տեսել են տեսանյութը, որում վարչապետի հայտարարություններն են՝ նախարարությունները խաղաղ ճանապարհով փոխանցելու պատրաստակամության մասին»,- հավելել է նա։
Ավելի վաղ Սիրիայի ներկայիս կառավարության ղեկավար Մուհամմեդ Ղազի ալ-Ջալալին իր ֆեյսբուքյան էջում հրապարակված տեսաուղերձում իր պատրաստակամությունն էր հայտնել իշխանությունը խաղաղ ճանապարհով փոխանցել սիրիացի զինյալներին։
Ամենադիտված 
ՀՀ ՊՆ–ն հայտարարություն է տարածել
