Թբիլիսիում ընդդիմությունը կրկին փակել է Ռուսթավելի պողոտան

Վրացական ընդդիմության կողմնակիցները 11-րդ անգամ հավաքվել են Թբիլիսիի կենտրոնում գտնվող խորհրդարանի մոտ և փակել Ռուսթավելի պողոտան։ Թբիլիսյան իրադարձություների մասին հայտնել է «ՌԻԱ նովոստի»-ի թղթակիցը։

Նրանց չխանգարեց անգամ այն, որ կիրակի կեսօրին Թբիլիսիի քաղաքապետարանը խորհրդարանի մոտ ամանորյա ծառ է տեղադրել, որը պետք է հսկեր ոստիկանները։

Ներկա պահին միջոցառմանը մասնակցում է մոտ հազար մարդ։

Ընդդիմության բողոքի հերթական շարքը Վրաստանում սկսվել է նոյեմբերի 28-ին այն բանից հետո, երբ վարչապետ Իրակլի Կոբախիձեն հայտարարեց մինչև 2028 թվականը Եվրամիությանը երկրի անդամակցության շուրջ բանակցությունների մեկնարկի քննարկումը դադարեցնելու որոշման մասին։ Ցուցարարներն օգտագործել են ճայթրուկներ, քարեր, շշեր, հաղորդվել է, որ անկարգությունների վայրում հայտնաբերվել են Մոլոտովի կոկտեյլներ։ Անվտանգության ուժերը պատասխանել են՝ օգտագործելով հատուկ տեխնիկա, այդ թվում՝ ջրցան մեքենաներ։