Սոսի Խանիկյանի վրաերթի գործով դատարանը կրկին վերացնում է քրեական հետապնդումը դադարեցնելու որոշումը

Հերթական անգամ Սոսի Խանիկյանի վրաերթի գործով դատարանը վերացնում է քրեական հետապնդումը դադարեցնելու մասին որոշումը։ Այդ մասին հայտնում է փաստաբան Թամարա Բաղդասարյանը։

Հիշեցնենք, որ 35-ամյա Սոսի Խանիկյանը մահացել էր  2021 թ․-ի մարտի 1-ի երեկոյան Երևանի Բաղրամյան պողոտայում  գրանցված ողբերգական վրաերթի հետևանքով։ Վարորդը փախուստի չէր դիմել, օգնել էր վրաերթի ենթարկված աղջկան տեղափոխել «Արմենիա» բժշկական կենտրոն, որտեղ էլ նա, գիտակցության չգալով, մահացել էր։