Գլխատել ինքնաձիգի կրակահերթի երևույթները․ քրեականի պետը պիտի զեկուցի զենքի մասով․ Անդրանիկ Քոչարյան
Քաղաքական
Քրեական ոստիկանության պետը պետք է մեզ կարողանա շատ համապարփակ զեկույցով ներկայացնի ապօրինի զենք զինամթերքի տրվող պայքարի վիճակը, որովհետև երբ լսում ենք ինքնաձիգ, հասկանում ենք՝ բոլոր պատերազմներից հետո այդ զենքերը հաշվառված չեն։ Այս մասին այսօր՝ ԱԺ պաշտպանության և անվտանգության հարցերի հանձնաժողովի նիստի ժամանակ ասաց հանձնաժողովի նախագահ Անդրանիկ Քոչարյանը։
«Կարծում եմ տեղեկատվություն պետք է ունենաք ինչքան պակասորդ ունենք պատերազմից հետո, թե որքա՞ն զենք է բաժանվել, որքա՞ն է հավաքվել, ինչքա՞ն ենք կորցրել։ Մի կաթիլ մեղրն է՝ վիճում են, մեկ էլ հանկարծ ինքնաձիգի կրակահերթ է գնում։
Կարծում եմ, որ և՛ թրամիոցները, և՛ ապօրինի զենքի շրջանառությունը պետք է լինի քրեական ոստիկանության ամենօրյա ոչ միայն ուշադրության կենտրոնում, այլև պետք է արձանագրենք հաջողությունները։ Մեկ էլ ասում են, թե քարի տակ տեսանք 3 հատ ինքնաձիգ է դրված, չէ այլևս քարի տակ պետք չէ, որտեղ պահված է պետք է մենք հայտնաբերենք։ Այդ պայմանավորվածությունները արդեն ի վնաս են աշխատում»,- նշեց նա։
Քոչարյանն ընդգծեց նաև, որ պետության իրավասությունները հնարավորություն են տալիս այս երևույթը ոչ միայն նկատել, այլ նաև գլխատել։
Սոնա Հարությունյան
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
