ԱՄՆ պետքարտուղարը հրաժարվել է մասնակցել G20-ի գագաթնաժողովին
ԱՄՆ
ԱՄՆ պետքարտուղար Մարկո Ռուբիոն սոցցանցերում հայտարարել է, որ չի մասնակցելու Յոհանեսբուրգում (Հարավային Աֆրիկա) G20-ի գագաթնաժողովին։ Նրա կարծիքով՝ երկիրը «շատ վատ բաներ» է անում։
«Հարավային Աֆրիկան օտարում է մասնավոր սեփականությունը։ Միևնույն ժամանակ, այն օգտագործում է G20-ը՝ «համերաշխությունը, հավասարությունը և կայունությունը» խթանելու համար»,- նշել է նա։
Ռուբիոն ավելացրել է, որ իր գործն է առաջ մղել ԱՄՆ ազգային շահերը, «ոչ թե հարկատուների փողերը վատնել և հակաամերիկյանություն քարոզել»:
Հարավային Աֆրիկան G20-ի նախագահությունը կստանձնի 2024 թվականի դեկտեմբերի 1-ից՝ փոխարինելով Բրազիլիային։ Երկրի նախագահության շրջանակներում տեղի կունենան ֆինանսների նախարարությունների և կենտրոնական բանկերի ղեկավարների մի քանի հանդիպումներ, ինչպես նաև G20-ի երկրների արտգործնախարարների երկու հանդիպումներ և այլ միջոցառումներ։
Յոհաննեսբուրգում տեղի կունենա նաև G20 գագաթնաժողովը: Հարավային Աֆրիկայի նախագահությունը կավարտվի 2025 թվականի նոյեմբերի 30-ին, և այն կստանձնի Միացյալ Նահանգները։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
