Հեղափոխությունից առաջ մեկ բնակարան իմ աշխատավարձով եմ գնել, մեկն էլ գնել եմ հիփոթեքով․ նախարար
Քաղաքական
«Ձեր կյանքը բարելավվե՞լ է 2018 թվականի իշխանափոխությունից հետո»,– նման հարց ուղղեց լրագրողը Էկոնոմիկայի նախարար Գևորգ Պապոյանին։
«Ինձ թվում է՝ իմ կյանքը բարելավվել է այնքանով, որքան այլ մարդկանց կյանքը կարող էր բարելավվել։ Որովհետև հեղափոխությունից առաջ մեկ բնակարան իմ աշխատավարձով առել էի, որովհետև իմ աշխատավարձն ինձ թույլ էր տալիս բնակարան առնել և առել եմ։ Եվ մեկ բնակարան էլ ձեռք եմ բերել ինչպես բոլոր ՀՀ քաղաքացիները՝ հիփոթեքային վարկի գործիքով»,– հարցին այսպես պատասխանեց նախարարը՝ հավելելով․ «Իմ աշխատանքն ինձ թույլ է տալիս»։
Նա նշեց, որ իր ընտանիքը խանութներ չունի․ դա ապատեղեկատվություն է։
«Իմ աշխատավարձը հայտարարագրված է, և՛ նախարարական աշխատավարձի, և՛ պատգամավորական աշխատավարձի մասին ողջ տեղեկությունը հրապարակային է։ Ես երկու տեղ եմ աշխատել իմ ամբողջ կյանքում, հիմա էլ՝ համալսարանում էլ եմ դասավանդում։ Չունեմ և չեմ ունեցել 1 դրամ ավելին, քան իմ աշխատավարձն է»,– ասաց Պապոյանը։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
