Իմ ընտանիքի բոլոր անդամները օգտվում են տրանսպորտից. Պապոյան

Իմ ընտանիքի բոլոր անդամներն օգտվում են հասարակական տրանսպորտից, բացառությամբ՝ ինձնից։ Այս մասին լրագրողների հետ զրույցում ասել է Էկոնոմիկայի նախարար Գևորգ Պապոյանն՝ անդրադառնալով հանրային տրանսպորտի սակագնին։

Պապոյանը նշել է՝ եթե 100 դրամով «МАN» ավտոբուսներով երթևեկենք, 4 տարի հետո չենք ունենալու ոչինչ։

«Եթե ուզում ենք միշտ ունենալ «МАN» մեքենաներ կամ էլեկտրոբուսեր, պետք է վճարենք, որն այլ գին ունի»,– ասել է նախարարը։

Պապոյանի խոսքով՝ 100 դրամով հնարավոր է ունենալ միայն ջարդած գազել: