Իրանի նախագահի կոչով հետաքննվելու է սարսափելի վթարը

Իրանի նախագահ Մասուդ Փեզեշկյանը կոչ է արել հետաքննել Քերման նահանգում ավտոբուսի վթարը, որի հետևանքով 6 աշակերտուհի է մահացել, ևս 27-ը վիրավորվել են, գրում է Mehr-ը։

Հինգշաբթի Իրանի հարավային Քերման նահանգում աշակերտուհիներ տեղափոխող ավտոբուսը վթարի էր ենթարկվել։ Զոհվել էին 6 աշակերտուհի, եւս 27-ը վիրավորվել։

Ուրբաթ օրը իր ուղերձում Պեզեշկյանն ընդգծել է վթարի հետաքննության անհրաժեշտությունը՝ ապագայում նմանատիպ միջադեպերը կանխելու համար։

Իրանի նախագահը հայտնել է, որ խորապես վշտացած է միջադեպի լուրից և իր ցավակցությունն է հայտնել զոհվածների ընտանիքներին։ Նա նաև աղոթել է տուժածների շուտափույթ ապաքինման համար։