Լրագրողը պատմել է Սալվադորի բանտի մասին, որտեղ ԱՄՆ-ը ցանկանում է ուղարկել հանցագործներին

ԱՄՆ-ը կարող է բանտարկյալներին ուղարկել Սալվադորի CECOT բանտ, որտեղ հանցագործների համար պայմաններն ավելի վատն են, քան Գուանտանամոյում: Այս մասին Daily Mail-ին հայտնել է հաստատություն այցելած լրագրող Դեյվիդ Ջոնսը։

Ամերիկյան բանտերում տարածքի սղության պայմաններում Սալվադորի նախագահ Նայիբ Բուկելեն առաջարկել է ԱՄՆ կառավարությանը վճարել դատապարտված հանցագործներին 40 000 մահճակալանոց CECOT բանտում տեղավորելու համար: Պետքարտուղար Մարկո Ռուբիոն ասել է, որ Միացյալ Նահանգները կուսումնասիրեն առաջարկը:

«Ես չեմ կարող պատկերացնել ավելի տանջալից բան, քան նրանց CECOT ուղարկելն է։ ԱՄՆ-ի Գուանտանամոյի բանտի և Ռոբեն կղզու բանտի համեմատ, որտեղ պահվում էր Նելսոն Մանդելան, CECOT-ի համակարգը, իհարկե, ավելի դաժան է», - ասել է Ջոնսը:

CECOT-ում բանտարկյալները չեն կարող կարդալ, գրել կամ շփվել ընտանիքի անդամների հետ: CECOT-ում, ըստ լրագրողի, ամեն բան արգելված է։