Փաշինյանը չի կարող հակազդել Ալիևին․ որքան ասում է՝ կզիջենք, մի՛ խփեք, այնքան նրանք ավելի են լկտիանում․ Խաչատրյան

Փաշինյանն իր հոդվածներում ասում է՝ ինչ ուզել եք տվել ենք․ էլ ի՞նչ եք ուզում, պատրաստ ենք զիջել։ Ադրբեջանը, անկախ այս իշախանությունների հավաստիացումներից, թե բարեկամական ճանապարհով գնում ենք դեպի խաղաղություն, սպառնում է ՀՀ-ին պատերազմով։ Այս մասին լրագրողերի հետ զրույցում ասաց «Հայաստան» դաշինքի պատգամավոր Արթուր Խաչատրյանը՝  անդրադառնալով Նիկոլ Փաշինյանի այսօր հրապարակած հոդվածի բովանդակությանը։ 

 «Ինչքան այս իշխանություններն ասում են՝ կզիջենք, մի՛ խփեք, այդքան Ադրբեջանն ավելի է լկտիանում։ Դիտարկեք Ադրբեջանի սպասելիքները  2020 թվականի նոյեբերի 10-ի առավոտյան և հիմա։ Պատկերն այսպիսին է, որովհետև Փաշինյանը  ունակ չէ հակազդել Ադրբեջանի առավելապաշտական, ագրեսիվ պահանջներին ու նկրտումներին»,- նշեց պատգամավորը։ 

Խաչատրյանի խոսքով ներկայիս իշխանությունը կատարում է Ադրբեջանի կողմից ուղարկված հրահանգները և որ բանակցային գործընթաց ՀՀ-ի ու Ադրբեջանի միջև չկա։