Ո՞ւր են գնացել միլիոնավոր դոլարները․ պարզաբանում է փոխվարչապետի գրասենյակը

ՀՀ փոխվարչապետ Մհեր Գրիգորյանի գրասենյակից բացվածք են տվել USAID գրասենյակի Հայաստանում ծավալած գործունեության ու ծախսերի վերաբերյալ միայն 2024 թ. կտրվածքով։ Ըստ գրասենյակի հաղորդման՝ 2024 թ․ սեպտեմբերին ստորագրված ՀՀ և ԱՄՆ միջև դրամաշնորհային համաձայնագրի փոփոխության արդյունքում սահմանված 250 մլն դոլարի շրջանակից Հայաստանին 2024 թ. վերջի դրությամբ հատկացվել է շուրջ 110 մլն դոլար, որն օգտագործվել է 2 գրանտային ծրագրի համար, շուրջ 49 մլն դոլարը՝ «ժողովրդավարական անցման խթանում», շուրջ 61 մլն դոլարը՝ «Տնտեսական անվտանգության բարելավում» գրանտային ծրագրի ուղղությամբ:

Ըստ այդմ՝ տարեվերջին ընդամենը մի քանի ամսում հատկացված 110 միլիոն դոլարն իրացվել է այս ուղղություններով՝ «ժողովրդավարական անցման խթանում» գրանտային ծրագրով

 

• օրենքի գերակայությանը և մարդու իրավունքներին նպատակի ներքո իրականացվել է 6,6 մլն դոլար արժողությամբ ծրագիր,

• լավ կառավարմանը՝ շուրջ 18,9 մլն դոլար,

• քաղաքական մրցակցությանը և փոխհամաձայնության ձևավորմանը շուրջ 8 մլն դոլար ,

• քաղաքացիական հասարակությանն ու ԶԼՄ-ներին 13,6 մլն դոլար,

• մարդասիրական օգնությանը ՝ 1 մլն դոլար է հատկացվել: «Տնտեսական անվտանգության բարելավում» ծրագրի ուղղությամբ հատկացված միջոցներով իրականացվել է,

• մասնավոր հատվածի արտադրողականությանը աջակցություն՝ շուրջ 29,8 մլն,

• աշխատուժի զարգացմանը՝ շուրջ 3,2մլն դոլար,

• էներգետիկ ծառայություններին շուրջ 25,8 մլն դոլար,

• մարդասիրական օգնությանը 1 մլն դոլար: