Գնդապետը պատերազմի ժամանակ հիվանդության սիմուլյացիա է դրսևորել և խուսափել ծառայությունից․ նա մեղավոր է ճանաչվել․ «Փաստինֆո»

Արցախյան երրորդ՝ 44-օրյա պատերազմի ընթացքում ՊԲ N զորամասի դիվիզիայի՝ բարոյահոգեբանական ապահովման գծով տեղակալ, գնդապետ Մանուկ Բադալյանը մեղավոր է ճանաչվել՝ պատերազմի ժամանակ սիմուլյացիայի եղանակով ծառայությունից խուսափելու համար։

Քրեական գործը դատարանում էր՝ 2023թ սեպտեմբերի 29-ից և 1,5 տարի տևած դատաքննությունից հետո՝ 2025թ․ փետրվարի 5-ին, Սյունիքի մարզի ընդհանուր իրավասության դատարանը՝ դատավոր Գարիկ Աբելյանի նախագահությամբ, հրապարակել է Մանուկյանի վերաբերյալ դատավճիռը։ Քրեական դատարանների խոսնակ Լիանա Ռաֆայելյանը «Փաստինֆո»-ի հետ զրույցում հայտնեց, որ Մանուկ Բադալյանը մեղավոր է ճանաչվել 2003 թվականի ապրիլի 18- ին ընդունված ՀՀ քրեական օրենսգրքի 363 -րդ հոդվածի 5 րդ մասով, (համապատասխանում է ՀՀ քրեական օրենսգրքի 527-րդ հոդվածի 3 րդ մասին) նախատեսված հանցանքի կատարման համար, նրա նկատմամաբ կիրառվել է պատիժ ազատազրկումը՝ 5 տարի ժանկետով:

«ՀՀ քրեակաի օրենսգրքի 79- րդ հոդվածով սահմանված կարգով 1 տարի 3 ամիս 4 օր անազատության մեջ գտնվելու ժամանակահատվածը հաշվակցել է ազատազրկման ձևով նշանակված պատժից եվ վերջնական պատիժ սահմանվել ազատազրկում 3 տարի 8 ամիս 26 օր ժամկետով: ՀՀ քրեական օրենսգրքի 84-րդ հոդվածի կիրառմամբ նշանակված պատիժը պայմանականորեն չկիրառել՝ սահմանելով փորձաշրջան 2 տարի ժամկետով»,- հայտնեց Ռաֆայելյանը:

Բադալյանի նկատմամբ որպես խափանման միջոց ընտրված 10 միլիոն ՀՀ դրամ գրավը և բացակայելու արգելքը դատարանը թողել է անփոփոխ՝ մինչև դատավճռի օրինական ուժի մեջ մտնելը:

Մանրամասները՝ սկզբնաղբյուր կայքում։