Նախագիծը ԵՄ-ին անդամակցելու մեկնարկի մասին է, ոչ թե ԵԱՏՄ-ի հետ կապերը խզելու. Արտակ Զեյնալյան

ԱԺ նիստում մեկնարկել է ԵՄ-ին ՀՀ անդամակցության գործընթացի մեկնարկի մասին օրենքի նախագծի քննարկումը։ Այն ներկայացնում է քաղաքացիական նախաձեռնության ներկայացուցիչ Արտակ Զեյնալյանը։

Ըստ նրա, օրենքը հայտարարում է նախաձեռնողների և ՀՀ-ի՝ ԵՄ-ին անդամակցելու գործընթացի մեկնարկի մասին, որ կկանխորոշի իշխանությունների որոշումների ու գործելակերպի ուղղվածությունն ու մասշտաբը. «Օրենքի ընդունումը կնպաստի քաղաքակրթության ընդհանուր միջավայրի ձևավորմանը, Եվրոպական միությանը ՀՀ անդամակցությունը կհարստացնի ԵՄ արժեքային համակարգն ու քաղաքակրթական մոդելը՝ հայկական բազմադարյա պատմության կուտակած փորձով ու ինքնատիպությամբ»։

Նրա խոսքով՝ օրենքի նախագիծը ԵՄ անդամակցության մեկնարկի մասին է, ոչ թե ԵԱՏՄ-ն չեզոքացնելու․ «Այստեղ խնդիրը չէ դուրս գալ կամ խզել կապերը ԵԱՏՄ-ի հետ։ Այն շուկաները, որոնք նվաճված, գրավված են ԵԱՏՄ-ում դրանք բաց թողնելու մասին չէ, այլ լրացնելու նոր շուկաներով։ Եթե Հայաստանում արտադրված կաթնամթերքը չի սպառվի ԵՄ-ում, որում կասկածում եմ, ունենք այնպիսի տեսակներ, որոնք հետարքրույթուն են ներկայացնում ԵՄ-ում, կվաճառենք այնպիսի արտադրանք, որը պահանջարկ կունենա, որը չկա ԵՄ-ում և դատարկ է այդ մասով ԵՄ-ն։ Նորից եմ ասում խոսքը ԵԱՏՄ-ից դուրս գալու մասին չէ շուկաներով հանդերձ, այլ նոր շուկաներ ձեռքբերելու մասին է»,- նշեց Զեյնալյանը։