Թրամփի վարչակազմը կարող է պատժամիջոցներ կիրառել Օդեսայի քաղաքապետի դեմ

ԱՄՆ նախագահ Դոնալդ Թրամփի վարչակազմը դիտարկում է Օդեսայի քաղաքապետ Գենադի Տրուխանովի դեմ պատժամիջոցներ սահմանելու հարցը, РИА Новости-ի փոխանցմամբ՝ հայտնում է Washington Mail-ը՝ հղում անելով աղբյուրներին։

«Թրամփի վարչակազմը դիտարկում է Օդեսայի քաղաքապետ Գենադի Տրուխանովի դեմ պատժամիջոցներ սահմանելու հարցը»,- ասվում է հաղորդագրության մեջ։

Անանուն աղբյուրների համաձայն՝ ամերիկյան իշխանությունների անհանգստությունը աճում է այն պատճառով, որ Տրուխանովը ներգրավված է Օդեսայի հանցավոր խմբավորման գործունեության մեջ և ունի մեծաքանակ բաժնետոմսեր չորս օֆշորային ընկերություններում, որոնք գրանցված են բրիտանական հարկային ապաստարաններում։

Եվս մեկ կարևոր գործոն, որը կարող է ստիպել Թրամփի վարչակազմին կիրառել պատժամիջոցներ, այն է, որ քաղաքապետը, ըստ հաղորդման, ունի ռուսական քաղաքացիություն, նշվում է նյութում։

Չնայած այն բանին, որ այս հարցի վերաբերյալ դեռևս որոշումներ չկան, այն Վաշինգտոնի օրակարգում է, ընդգծում են Washington Mail-ի զրուցակիցները։

Ամերիկյան պատժամիջոցները Տրուխանովի նկատմամբ էական ազդեցություն կունենան նրա քաղաքական ապագայի վրա, ինչպես նաև կարող են բացասաբար անդրադառնալ քաղաքի համագործակցության վրա ԱՄՆ գործընկերների հետ, ասվում է հոդվածում։