Բոնժո՜ւղ, գալիս ենք․ սա մեծ քաղաքական բլեֆ է․ Արթուր Խաչատրյանը՝ ԵՄ-ին ադամակցելու մասին

ԵՄ-ին անդամակցելու նախագիծը խայտառակ բլեֆ է։ Այս մասին ԱԺ-ում հայտարարեց «Հայաստան» խմբակցության պատգամավոր Արթուր Խաչատրյանը։

«Այս նախագծով ՔՊ-ն վտանգի է ենթարկում Հայաստանի արտաքին քաղաքականությունը։ Հա՛մ արևմուտքին եք խաբում, հա՛մ՝ հյուսիսին, հա՛մ՝ հարավին»,- նշեց նա։

Արթուր Խաչատրյանը շնորհակալություն հայտնեց հիմնական զեկուցող Արտակ Զեյնալյանին․ «Ինչ տարին սկսել էր՝ այդքան չէի ծիծաղել։ Ընտրությունների նախաշեմին Արտակ Զեյնալյանն ու իր կուսակիցները մտածում են, թե ինչպես մասնակցեն ընտրություններին ու որոշեցին տեղավորվել արևմտամետ, եվրոպամետ անձրևանոցի տակ, բայց սխալվեցիք, որովհետև ՔՊ-ն ու Նիկոլ Փաշինյանն այդ յուղոտ պատառը ձեզ չէին տա։ Սա մեծ քաղաքական բլեֆ է, այնպես որ կոչ եմ անում հաջորդ ընտրություններից առաջ եթե ձեզ ասեն յալլա, չէ՝ լօլիվա՜ռ, բոնժո՜ւղ, գալիս ենք․․․ մի հատ հանեք էն բոլոր ձախողումները, որոնք այս իշխանություններն արձանագրել են Եվրոպայի հետ հարաբերություններում և դեպի եվրոպականացում գնացող իրենց քաղաքականության մեջ»,- նշեց Խաչատրյանը։