Եկեք՝ ես ձեզ տանեմ Քոչարյանի «հանձնած» Մեղրին, դուք ինձ՝ ձեր «պահած» Ղարաբաղ. Աննա Գրիգորյան

Եկեք չմոլորեցնենք ժողովրդին ու չխաբենք․ այս մասին ԱԺ-ում ասաց ԱԺ «Հայաստան» խմբակցության պատգամավոր Աննա Գրիգորյանը՝ անդրադառնալով ՔՊ-ի կողմից՝ Մեղրիի մասին հնչեցված դիտարկումներին։

«Ալիևի կողմից եղել է առաջարկ, բանակցությունների արդյունքում Քիվեստի փաստաթուղթ է ձևավորվել ԵԱՀԿ Մինսկի խմբի համանախագահող երկրների կողմից։ Առաջարկ է եղել, որը բանակցությունների ընթացքում դարձել է քիվեստյան փաստաթուղթ, որի արդյունքով պետք է Լեռնային Ղարաբաղը Լաչինով դառնար Հայաստանի մաս, Նախիջևանը կապ էր ստանում Ադրբեջանի հետ ու որևէ տեղ Մեղրի տեղանուն նշված չէ»,- հայտարարեց նա։

Պատգամավորն ընդգծեց՝ Մեղրին իր տեղում է, չի կորել։

Դիմելով ՔՊ-ական Սոնա Ղազարյանին՝ Գրիգորյանն ասաց. «Եկեք ես ձեզ տանեմ Քոչարյանի «հանձնած» Մեղրի, դուք ինձ տարեք Լեռնային Ղարաբաղ, ձեր պահած Լեռնային Ղարաբաղ»։