Թուրքիան ԵՄ–ի հետ ակտիվ համագործակցություն ունեցող երկիր է, մենք այս նախագծով որևէ մեկից ազատվելու միտում չունենք․ ՔՊ–ական պատգամավոր

Ոչ այս կողմի հիմնավորումների հետ եմ համաձայն, ոչ էլ նախաձեռնող խմբի հիմնավորումների հետ։ Համամիտ եմ նախաձեռնության բուն էության հետ, կարծում եմ՝ անհրաժեշտություն է գործընթաց մեկնարկելը, բայց թե ինչ հիմնավորումներով են համեմել մեր գործընկերներն այս նախագիծը, անիրատեսական է, ստեղծում է կեղծ ակնկալիքներ մեր հասարկության մոտ։ Ցավով պետք է նշեմ, որ ընդդիմության շեշտադրումներն այսօր կրկին նպաստեցին նրան, որ հասարակության մոտ ձևավորվի այն կեղծ պատկերացումները, թե սա անվտանգային նախաձեռնություն է։ Այս մասին ԱԺ–ում «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» նախագծի քննարկման ժամանակ ասաց ԱԺ «Քաղաքացիական պայմանագիր» խմբակցության պատգամավոր Սոնա Ղազարյանը:

Դիմելով հիմնական զեկուցող Արտակ Զեյնալյան՝ նա ասաց․ «ՀՀ–ն քաղաքակիրթ միություն է և որևէ միություն չի նպաստելու ՀՀ քաղաքակրթության զարգացմանը։ Մենք մեր պատմությամբ, հարուստ փորձով քաղաքակիրթ ենք, ոչ թե որովհետև ունենք եվրոպական նկրտումներ, այլ որովհետև Հարավային Կովկասում պետություն ենք, որն ունի հարուստ ժառանգություն և իր ամենօրյա աշխատանքով նպաստում է քաղաքակրթության զարգամցմանը։

Նա Զեյանլյանին «մեղադրեց» իրական Հայաստանի կոնցեպտից շեղվելու մեջ։

Ղազարյանը նաև մեջբերեց պատգամավոր Սիսակ Գաբրիելյանի՝ ԵՄ–ին անդամակցության վերաբերյալ հրապարակման տակ օգտատիրոջ մեկնաբանությունը, որը գրել է․ «Այո, ազատվենք ռուս–թուրքական գամբիթից․ «Սիրելի քաղաքացինե՛ր, պետք է հիշեցնեմ, որ Թուրքիան ԵՄ–ի հետ ակտիվ համագործակցությամբ պետություն է, ի վերջո ՆԱՏՕ անդամ պետություն է, և մենք այս նախագծով որևէ մեկից ազատվելու միտում չունենք»։