Միջանցքի ընկալումը խաղաղություն չի բերելու, չեմ կարծում՝ Ադրբեջանի համար դա ձեռնտու տարբերակ է․ Ալեն Սիմոնյան

ԱԺ նախագահ Ալեն Սիմոնյանն անդրադարձել է տրանսպորտային ուղիների ապաշրջափակմաը՝ նշելով, որ դրա հետ կապված բոլոր հարցերը քննարկվում են փոխադարձության սկզբունքի հիման վրա։

«Չկա մի բան, որ պարտադիր է Ադրբեջանի համար ու չի գործելու Հայաստանի համար»,-ասել է նա՝ հավելելով, որ քննարկումներն ընթանում են այդ տրամաբանության մեջ և փոխադարձությունն ընդունել է Ադրբեջանի համար։

Նրա խոսքով՝ դեռ պետք է հասկանալ, թե ոնց է, օրինակ, իրավական գործընթացը տեղի ունենալու երկու երկրների քաղաքացիների, գերատեսչությունների միջև։

«Միջանցքի ընկալումը խաղաղություն չի բերելու։ Եթե Աստված մի արասցե ինչ–որ տարածքում նման բան է տեղի ունենում, դա խաղաղության մասին չէ, այլ հաջորդ պատերազմի մասին խոսույթ է։ Չեմ կարծում, որ նույնիսկ Ադրբեջանի համար դա ձեռնտու տարբերակ է»,– ասաց Սիմոնյանը։