Իրանը հրաժարվում է ԱՄՆ-ի հետ բանակցություններից․ Մոհաջերանի

Թեհրանը հրաժարվում է բանակցել Վաշինգտոնի հետ, քանի որ ԱՄՆ-ն չի հասկանում դիվանագիտության լեզուն։ Այս մասին հայտարարել է հանրապետության կառավարության պաշտոնական ներկայացուցիչ Ֆաթեմեհ Մոհաջերանին, գրում է ՏԱՍՍ-ը։

«Բանակցությունները ենթադրում են պայմաններ, ուժի լեզուն բանակցային գործընթացի մաս չէ, իսկ հայտարարված առավելագույն ճնշումը չի նպաստում բանակցություններին։ Մենք «ոչ» ենք ասում հակառակ կողմի հետ բանակցություններին, քանի որ նրանք չեն հասկանում դիվանագիտության լեզուն։ Աշխարհը տեսավ, որ Գործողությունների համատեղ համապարփակ ծրագիրը (JCPOA) ստորագրվեց Իրանի ջանքերի արդյունքում, բայց ամեն ինչ ավարտվեց նրանց միակողմանի դուրսբերմամբ»,- մամուլի ասուլիսի ժամանակ ընդգծել է կառավարության ներկայացուցիչը։ 

Պատասխանելով Թեհրանի դեմ Վաշինգտոնի կողմից նոր պատժամիջոցների հնարավոր սահմանման մասին հարցին՝ Մոհաջերանին նշել է, որ առավելագույն ճնշման քաղաքականությունը կանխատեսելի էր, և կառավարությունն ունի գործողությունների ծրագիր։