Ինչպե՞ս կարելի է այդ վիճակում հայտնված մարդկանց ասել, թե պետք է մնայիք, կռվեիք. Լևոն Քոչարյանը՝ Ալեն Սիմոնյանին

Ամեն անգամ, երբ մտածում ենք, որ, ամեն դեպքում, անբարոյականությունը պիտի ինչ–որ չափ ունենա, կրկին էս մարդիկ գալիս են՝ ապացուցելու, որ, չէ՛, այդ չափը կարող է էլ ավելի իջնել։ Այս ամենի պատճառն իրենք են՝ սկսած 2018 թվականին զրոյական կետից, «ինչ ուզում ենք, բանակցում ենք»–ից, մինչև բերեցին, հասցրեցին պատերազմ, ու գնացին՝ Էրդողանի և Ալիևի դիմաց ստորագրեցին ու ճանաչեցին Արցախն Ադրբեջանի կազմում։ Այս մասին ԱԺ–ում լրագրողների հետ զրույցում ասաց «Հայաստան» խմբակցության պատգամավոր Լևոն Քոչարյանը։

Հիշեցնելով Արցախի 9–ամսյա բլոկադայի ու դրան հաջորդած հարձակման մասին՝ պատագամավորն ասել է․ «Բա սրիկայություն չէ՞, այդ վիճակում հայտնված մարդկանց ասել, թե պետք է մնայիք, կռվեիք»։

Քոչարյանի խոսքով՝ ներկայիս իշխանությունները փորձում են նախկին վատ երևույթները մեջ բերելով՝ արդարացնել իրենց ձախողումները։