Սպանդանոցային մորթի կառավարման էլեկտրոնային համակարգը կդառնա արդյունավետ և վերահսկելի. հանդիպում ՍԱՏՄ-ում
Հասարակություն
Օրերս ՀՀ սննդամթերքի անվտանգության տեսչական մարմին էին հրավիրվել Հայաստանում գործող սպանդանոցների ներկայացուցիչները, որոնց հետ հանդիպել է ՍԱՏՄ ղեկավարի տեղակալ Տիգրան Պետրոսյանը:
Այս մասին հայտնում են ՀՀ սննդամթերքի անվտանգության տեսչական մարմնից՝ նշելով, որ հանդիպման ընթացքում Տիգրան Պետրոսյանը լսել է ոլորտի մասնագետների առաջարկները, դիտողությունները և բարձրացված խնդիրները՝ սպանդանոցային մորթի կառավարման էլեկտրոնային համակարգի կատարելագործման նպատակով։
Հիմնական խնդիրները, որոնք բարձրացվել են՝
- վրիպակների խմբագրման հնարավորության բացակայություն,
- տեսահոլովակների ներբեռման խափանումներ ինտերնետ կապի անջատումների պատճառով,
- Ֆորս-մաժորային իրավիճակներում մորթի իրականացման մեխանիզմների և վնասված կենդանիների հարկադիր մորթի ընթացակարգերի հստակեցում:
Տեսչական մարմնի մասնագետները գույքագրել են բոլոր խնդիրները, Տիգրան Պետրոսյանը վստահեցրել է, որ դրանք կկարգավորվեն հնարավորինս կարճ ժամկետներում։
Հանդիպման մասնակիցները գոհունակություն են հայտնել նաև վերջին ամիսներին տեսչական մարմնի կողմից իրականացված վերահսկողական միջոցառումների արդյունքից՝ նշելով, որ սպանդանոցային մորթի ծավալները նկատելիորեն ավելացել են։
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
