ԱՄՆ-ում Թրամփի և Մասկի դեմ հայցեր են ներկայացվել

ԱՄՆ 14 նահանգ դաշնային հայց է ներկայացրել նախագահ Դոնալդ Թրամփի և Կառավարության արդյունավետության դեպարտամենտի (DOGE) ղեկավար Իլոն Մասկի դեմ՝ գործակալությանը մեղադրելով անսահմանափակ իշխանության և երկրի սահմանադրությունը խախտելու մեջ։ Այս մասին հաղորդում է ABC հեռուստաալիքը։

«Մասկի՝ կառավարությանն իր աշխատակիցներից զրկելու և գրիչի կամ մկնիկի սեղմումով ամբողջ գերատեսչությունների վերացնելու անկաշկանդ և անվերահսկելի իշխանությունը ցնցող է նրանց համար, ովքեր նվաճել են այս երկրի անկախությունը», - ասվում է հայցի մեջ:

ABC-ն նշում է, որ նահանգների հայցն ընդդեմ Սպիտակ տան ղեկավարի և DOGE-ի ղեկավարի նաև այն է, որ Մասկն ունի չափազանց «լայն լիազորություններ» և պաշտոնապես չի նշանակվել կառավարական պաշտոնում նախագահի կողմից և հաստատվել Սենատի կողմից: Հայցում ասվում է, որ սա խախտում է ԱՄՆ Սահմանադրության նշանակումների դրույթի 2-րդ հոդվածի 2-րդ բաժնի 2-րդ կետը:

Ի թիվս այլ բաների՝ հեռուստաալիքն ընդգծել է, որ ԱՄՆ Միջազգային զարգացման գործակալության (USAID) 26 ներկա և նախկին աշխատակիցներ և կապալառուներ նույնպես հայց են ներկայացրել Մասկի դեմ Մերիլենդի դաշնային դատարան։ Հայցում նույն խախտման մեջ մեղադրվում է նաև DOGE-ի ղեկավար Իլոն Մասկը։