Նովոսիբիրսկի օդանավակայանում թռիչքից ուշացած հայազգի տղամարդիկ կոտրել են օդանավակայանի ելքի դուռը ու վազել ինքնաթիռի հետևից

Նովոսիբիրսկի օդանավակայանում արտասովոր դեպք է տեղի ունեցել. S7 թռիչքը բաց թողած ուղևորները միացրել են հրդեհի ազդանշանը, որից հետո տապալել են տերմինալի դուռը և վազել ինքնաթիռի հետևից։

Ինչպես հաղորդում է «Авиаторщина» տելեգրամյան ալիքը, դեպքը տեղի է ունեցել երկուշաբթի՝ փետրվարի 17-ի առավոտյան։ Embraer 170-ն արդեն պատրաստվում էր թռիչքի՝ Տոլմաչևո օդանավակայանից Բրատսկ մեկնելու համար։ Ինքնաթիռում բացակայում էր միայն երկու ուղևոր, ովքեր բաց էին թողել չվերթը։

Այդ ժամանակ օդանավակայանի մեկնման հատվածում են գտնվել Բրացկի երկու բնակիչներ 37-ամյա Անդրանիկ Թ.-ն և նրա 42-ամյա ազգական Սպարտակ Թ.-ն, ովքեր ինչ-ինչ պատճառներով բաց էին թողել թռիչքը։ Բայց տղամարդիկ որոշել են փորձել իրենց բախտը և նստել ինքնաթիռ՝ օգտագործելով իրենց հասանելիք բոլոր միջոցները։

Նախ Անդրանիկն ու Սպարտակը միացրել են հրդեհի ազդանշանը, ապա բացել 16 դարպասի կողպված դուռը։ Նրանք դուրս են վազել դեպի կառամատույց և փորձել հասնել ինքնաթիռի հետևից։ Սակայն, նրանց դիմավորել են օդանավակայանի անվտանգության ծառայության և ոստիկանության ներկայացուցիչները։

Ի վերջո, տղամարդիկ չեն կարողացել թռչել։ Փոխարենը նրանց բերման են ենթարկել ոստիկանության բաժին։

Այժմ նրանց սպառնում է առնվազն 5,000 ռուբլի տուգանք։