Մասնագետները նշել են այն ուտեստը, որն օգնում է օրգանիզմին պայքարել բորբոքման դեմ

Հնդկաձավարը ոչ միայն վիտամինների և հանքանյութերի հարուստ աղբյուր է, այլ նաև հակաբորբոքային հատկություն ունի իր պարունակած ֆլավոնոիդների և ֆենոլաթթուների շնորհիվ: Այս մասին Health News-ին ասել է սննդաբան Սանդրա Վիգելիենը։

Մասնագետի խոսքով՝ հնդկաձավարն օգնում է օրգանիզմը հագեցնել այնպիսի կարևոր միկրոտարրերով, ինչպիսիք են պղինձը, երկաթը, մագնեզիումը, մանգանը, ֆոսֆորը, կալիումը և ցինկը։ Մեկ բաժակ հնդկաձավարը պարունակում է գրեթե 19 գ սպիտակուց և 17 գ մանրաթել՝ առողջ սննդային մանրաթել: Բացի այդ, այս հացահատիկը չի պարունակում բուսական սպիտակուց, որը որոշ մարդկանց մոտ ալերգիկ ռեակցիաներ է առաջացնում։

Դիետոլոգը հավելել է, որ հնդկաձավարի սերմերը հարուստ են ֆլավոնոիդներով և ֆենոլաթթուներով՝ հակաօքսիդանտ և հակաբորբոքային հատկություն ունեցող միացություններով։ Այնուամենայնիվ, երբ հնդկաձավարը վերածվում է ալյուրի կամ փաթիլների, ինչպես նաև այն եփելիս՝ հակաօքսիդանտների մակարդակը նվազում է, ուստի բորբոքման դեմ պայքարելու համար խորհուրդ է տրվում ընտրել ամբողջական հացահատիկեղեն: