Բնակարանային գողերին բռնել են հենց գողության պահին

Փետրվարի 15-ին՝ ժամը 01:00-ի սահմաններում, ոստիկանության Շենգավիթի բաժնում օպերատիվ տեղեկություններ են ստացվել, որ Շիրակի փողոցի 21 Ա շենքի բնակարաններից մեկում գողություն է կատարվում և կատարողներից մեկը գտնվում է բնակարանի մոտ, մյուսը՝ ավտոտնակի տանիքին:

Տեղում Շենգավիթի ոստիկանները Պարեկային ծառայության Երևան քաղաքի գնդի 3-րդ գումարտակի պարեկների հետ ժամանում են նշված վայր, շենքն ամբողջությամբ վերցնում իրենց հսկողության տակ, քանի որ հնարավոր էր 4 հատվածներից որևէ մեկից գողերը դիմեին փախուստի:

Տեղում ոստիկաններն ու պարեկները բնակարանային գողության փորձ կատարելու անմիջականորեն ծագած հիմնավոր կասկածի առկայության հիմքով Շիրակի փողոցի 21 Ա շենքի մոտից բռնում ու ոստիկանության Շենգավիթի բաժին են տեղափոխում կասկածյալներին:

Նրանցից մեկը Կոտայքի մարզի բնակիչ 26-մյա Սերյոժա Ն.-ն է, մյուսը՝ Երևանում հաշվածված 35-ամյա Էդգար Կ.-ն:

Խուզարկությամբ վերջինի մոտ հայտնաբերվել է կացինի նմանվող առարկա, 1 հատ մոխրագույն հետքերով կաթոցիչ և 1 հատ վնասված վիճակում տեսանկարահանող սարք:

Նշված անձինք նշված առարկաներով ոստիկանության Շենգավիթի բաժնից տեղափոխվել են ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժին, որտեղ «բնակարանի գողության փորձ» հատկանիշնեչով նախաձեռնվել է քրեական վարույթ:

Մինչ բնակարանատերը կփորձեր հասնել իր տուն, Շենգավիթի ոստիկաններն ու պարեկները տաք հետքերով բռնում են կասկածյալներին, որոնցից մեկին՝ հարևանի ավտոտնակի մոտ:

Մանրամասները՝ սկզբնաղբյուրում: