Իրեն պետք է փոխենք, ոչ թե Սահմանադրությունը. Բագրատ Սրբազանը՝ Փաշինյանի մասին (տեսանյութ)

Այս մարդիկ ինչպե՞ս կարող են խոսել պայքարից, կռվից, պաշտպանելուց։ Արցախն իրենց համար որևէ արժեք չի ունեցել և չունի։  Այս մասին լրագրողների հետ զրույցում ասել է «Սրբազան պայքար» շարժման առաջնորդ Բագրատ Սրբազանը՝ հիշեցնելով ՀՀ վարչապետ Նիկոլ Փաշինյանի արտահայտությունը՝ «ձյունապատ լեռների» մասին։

Նա նշել է, որ նախատեսվում են ակտիվ գործողություններ․ «Մեր ամենակարևոր խաղաթուղթը եղել է այն, որ իրենք չիմանան՝ ինչ է տեղի ունենում։ Վստահեցնում եմ՝ այն գործընթացը, որ տեղի է ունենում հիմա, եթե ունենայինք նախորդ տարի՝ այս նույն ժամանակահատվածում մայիսից առաջ, ամեն ինչ այլ կերպ կլիներ»։

Սրբազանի խոսքով՝ Սահամանադրության փոփոխությունը պահանջ է դրսից․ «Բնականաբար, Սահմանադրությունը փոխել–չփոխելու հարց չկա, իրեն փոխելու հարցն է։ Այստեղ գոյաբանական կռիվ է, այլ ոչ թե Սահմանադրության։ Նա ձախողել է ամեն ինչ և այժմ փորձում է ամեն ինչը հարմարեցնել իր ձախողմանը»։

Անդրադառնալով Փաշինյանի պնդմանը, թե Սահմանադրությունն ունի լեգիտիմության խնդիր, Սրբազանը նշել է․ «Իսկ ինքն ինչո՞վ է ընտրվել, այդ Սահմանադրությամբ չէ՞ ընտրվել, ուրեմն ինքը լեգիտիմ չէ»։