Կեղծ լիազորագրերի օգտագործմամբ 16 անշարժ գույք է հափշտակվել Երևանում
Իրավունք
Կեղծ լիազորագրերի օգտագործմամբ 16 անշարժ գույք է հափշտակվել Երևանում: Ըստ գլխավոր դատախազության, ընդհանուր առմամբ այս պահին հասցված վնասը կազմում է 2.5 միլիոն դոլար: Կեղծ գործարքներով հափշտակված բնակարանները Փոքր Կենտրոնի Բայրոն, Սայաթ-Նովա, Թումանյան, Աբովյան փողոցներից են:
Հանցավոր խումբը ստեղծվել է 2022թ.՝ երեք անձի կողմից և այսքան գործարք կարողացել է հասցնել երկու տարում: Ի դեպ, այդ երեքից մեկը կին է ու միակ կալանավորվածն է: Նա իր ցուցմունքում հայտնել է, որ իրենց պարագլուխը լրիվ ուրիշ անձ է: Դատախազության հաղորդմամբ տներ հափշտակող հանցավոր խմբի մեջ ներգրավված է եղել փաստաբան, նախկին հարկադիր կատարող, անշարժ գույքի գործակալ: 20 անդամներից 9-ը հետախուզվում են, ընդ որում նրանցից 11-ը կին են: Նրանք միայն հայեր չեն, հանցավոր խմբի մեջ կան ՌԴ քաղաքացիներ, այդ թվում դաղստանցիներ:
Կեղծ փաստաթղթերը, այդ թվում լիազորագրերը, քաղաքացիների անձնագրերը պատրաստվել են ՀՀ սահմաններից դուրս:
Հանցավոր խմբի անդամները բնակարանների դռները բացելու համար հրավիրել են համապատասխան վարպետներ, ապա փոխել բնակարանների փականները: Իսկ իրական սեփականատերերը այս ամենի մասին իմացել են կամ հարևաններից, կամ գույքահարկ վճարելուց: Նախաքննությունը շարունակվում է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
