Օքսանա Սամոյլովան և Ջիգանի արտասովոր նվերը իրենց որդուն՝ Դավիթին ծննդյան օրվա առթիվ (Լուսանկարներ)

Բլոգեր Օքսանա Սամոյլովայի և ռեփեր Ջիգանի ընտանիքը չորս երեխա ունի։ Նախօրեին նրանցից կրտսերն ու զույգի միակ որդին՝ Դավիթը, դարձավ հինգ տարեկան։ Ի պատիվ սրա՝ աստղային մայրիկը սոցցանցերում հրապարակել է սև դասական կոստյումով ժառանգորդի ֆոտոշարքը՝ կարմիր վարդերի ֆոնին։

«Պատկերացնու՞մ եք, մեր Դավիդկան արդեն 5 տարեկան է։ Արդեն հինգ տարի է՝ ես ամեն օր շնորհակալություն եմ հայտնում Աստծուն ինձ որդի պարգեւելու, տղայի մայր լինելու այս անհավանական զգացումը պարգեւելու համար։ Ծնունդդ շնորհավոր, որդի՛ս, իմ ամենահրաշալի, ամենաբարի, ամենախելացի, ամենալավ դաստիարակված տղան։ Ամեն օր ես զարմանում եմ, թե ինչպես կարող ես այդքան կատարյալ երեխա լինել: Ես չէի կարող երազել անգամ այսպիսի որդի ունենալու մասին։ սիրում եմ! «Եղիր ամենաերջանիկը», - KP․ru-ի փոխանցմամբ՝հուզիչ կերպով մակագրել է Օքսանան գրառումը:

Տոնակատարությունն ինքնին Սամոյլովայի և Ջիգանի տանը տեղի է ունեցել անսովոր գյուղական ոճով: Տունը զարդարված էր սև և սպիտակ փուչիկներով՝ հավի և կովի տեսքով։ Օքսանան հագել է սպիտակ զգեստ և երկարաճիտ կոշիկներ և իր տեսքն անվանել է «քանթրի ոճ»։

Հինգ տարեկան տղայի գլխավոր նվերը, մեղմ ասած, շատ անսովոր է ստացվել և ամենամեծը նրա կյանքում։ Օքսանան երկու ամիս առաջ տեսանյութ է հրապարակել, որում տղան խնդրում է... կով:

«Կովը՝ ծննդյան տարեդարձի՞ն։ Իսկ որտե՞ղ է նա զուգարան գնալու, Դավիթ։ Մենք ամեն անգամ նրան ֆերմա՞ ենք տանելու դրա համար։ Ինչպե՞ս ես դա պատկերացնում։ Նա շաբաթը մեկ անգամ չի գնում զուգարան, Դավիթ», — զարմացած մայրը փորձեց առարկել։

Արդյունքում՝ ծննդյան օրը Սամոյլովան և Ջիգանը իրականացրին իրենց որդու երազանքը ու նրան իսկական կով նվիրեցին։ Շիկակարմիր-սպիտակ գույնի կովին նույնիսկ մեծ վարդագույն ժապավենով զարդարեցին։

«Գոմն այրվում էր, թող տունն էլ այրվի»,- տեսանյութը մակագրել է Սամոյլովան։

Թարգմանությունը՝ Lurer.com-ի