Խոսնակ Ջոնսոն.ԱՄՆ կոնգրեսականները մտադիր չեն հաստատել Կիևին տրամադրվող նոր օգնությունը

ԱՄՆ Կոնգրեսի Ներկայացուցիչների պալատի անդամները ներկայումս տրամադրված չեն հաստատել օրինագիծը, որը լրացուցիչ միջոցներ կհատկացնի Կիևին օգնություն ցուցաբերելու համար։ Այս մասին հայտարարել է օրենսդիր մարմնի ստորին պալատի խոսնակ Մայք Ջոնսոնը (հանրապետական ​​Լուիզիանայից)՝ ելույթ ունենալով Պահպանողական քաղաքական գործողությունների համաժողովում։

«Ոչ, դրա ցանկություն չկա»,- պատասխանել է նա այն հարցին, թե արդյոք Ներկայացուցիչների պալատը կարող է հավանություն տալ Կիևին օգնություն ցուցաբերելու համար նոր միջոցների հատկացմանը, եթե ուկրաինական հակամարտությունը չլուծվի առաջիկա վեց ամսում։

«Մենք պետք է դադարեցնենք դա»,- հավելել է նա՝ նկատի ունենալով հակամարտությունը, «Մեր եվրոպացի դաշնակիցները նույնպես հասկանում են դրա անհրաժեշտությունը։

ԱՄՆ Կոնգրեսի երկու պալատներն էլ վերահսկվում են հանրապետականների կողմից։

ԱՄՆ նախագահ Դոնալդ Թրամփը փետրվարի 19-ին հայտարարել է, որ Վլադիմիր Զելենսկին համոզել է ԱՄՆ-ին 350 միլիարդ դոլար ծախսել պատերազմի վրա, որը հնարավոր չէ հաղթել։ Ինքը՝ Զելենսկին, փետրվարի սկզբին ասել էր, որ չգիտի, թե ուր է գնացել Վաշինգտոնի կողմից Կիևին հատկացված 200 միլիարդ դոլարի ռազմական օգնությունը։ Նրա տվյալներով՝ Ուկրաինան ԱՄՆ-ից ստացել է ընդամենը 76 միլիարդ դոլարից մի փոքր ավելին։

Թրամփն ավելի վաղ ընդգծել էր, որ եկել է ժամանակը պարզելու, թե որտեղ են Վաշինգտոնի կողմից Կիևին հատկացված բոլոր միջոցները։

Թարգմանութոյւնը՝ Մանուել Թամազյանի