Իրավիճակը՝ «Զվարթնոց» միջազգային օդանավակայանում (լուսանկարներ)

Չնայած նախորդ օրվա ձյան առատ տեղումներին «Զվարթնոց» օդանավակայանի աշխատակիցների և կիրառված սարքավորումների շնորհիվ օպերատիվ կերպով ձնամաքրվել է վազքուղին, իրականացվել են օդանավերի հակասառեցման աշխատանքներ և ապահովվել են անվտանգ թռիչք-վայրէջքներ:  Այս մասին հայտնում են  «Զվարթնոց» միջազգային օդանավակայանի մամուլի ծառայությունից։

«Շնորհակալ ենք մեր պրոֆեսիոնալ թիմին նման ծանր եղանակային պայմաններում անվտանգ թռիչքներ ապահովելու և ձմեռային աշխատանքներն անխափան իրականացնելու համար: Մեր բոլոր ուղևորներին մաղթում ենք բարի թռիչք»,– ասվում է հաղորդագրության մեջ։