Հայաստանում դիտվող ձնառատ եղանակը համեմատելի է 2016-ի հունվարյան ուժեղ ցիկլոնի հետ

Հայաստանում այս օրերին դիտվող ձնառատ եղանակն իր մասշտաբով համեմատելի է 2016 թվականի հունվարի 1-2-ի ուժեղ ցիկլոնային շրջանառության հետ։ Այս մասին տեղեկացրել է Հիդրոօերևութաբանության և մոնիթորինգի կենտրոնի տնօրեն Լևոն Ազիզյանը՝ գրառում կատարելով Facebook-ի իր էջում։

«Վերջին անգամ նման հզոր ցիկլոնային շրջանառություն հանրապետությունում ունեցել էինք 2016 թվականի հունվարի 1-2-ին, ինչի արդյունքում Երևանում ձնածածկույթի բարձրությունը հասել էր 40-50սմ»,- գրել է Ազիզյանը։