Թրամփ. Ուկրաինան 400-500 միլիարդ դոլարի պարտք ունի ԱՄՆ-ին

ԱՄՆ նախագահ Դոնալդ Թրամփը հայտարարել է, որ ակնկալում է արագ համաձայնության գալ Կիևի հետ՝ ԱՄՆ-ին 400-500 միլիարդ դոլար փոխհատուցելու պարտավորությունների վերաբերյալ:

«Կարծում եմ՝ մենք շատ մոտ ենք։ Կարծում եմ՝ նրանք դա են ուզում։ Նրանց դուր է գալիս: Սա մեծ գործ է։ …Մենք, հուսով եմ, կարճ ժամանակահատվածում կստորագրենք համաձայնագրեր, որոնք կապահովեն 400-500 միլիարդի վերադարձը մեզ»,- ասաց նա։

Նա ընդգծել է, որ ակնկալում է ուկրաինական ճգնաժամի լուծում։

«Մենք ծախսում ենք մեր գանձարանը, նրանք արյուն են թափում, բայց մենք ծախսում ենք մի երկրի վրա, որը շատ հեռու է։ Մենք մեր գումարը հետ չենք ստանում, այլևս չենք ուզում։ … Ես պետք է համոզվեի, որ Ռուսաստանը ցանկանում է գործարք կնքել: «Կարծում եմ՝ մենք կարող ենք դա անել»,-Eadaily-ի փոխանցմամբ՝ հավելել է ԱՄՆ նախագահը։

Փետրվարի 3-ին Թրամփը հայտարարել է, որ Վաշինգտոնն ակնկալում է, որ Կիևը երաշխիքներ կտա հազվագյուտ հողային մետաղների մատակարարման համար՝ ֆինանսական և ռազմական օգնության դիմաց։ The Washington Post-ը, վկայակոչելով Կոնգրեսի անդամներին, փետրվարի 14-ին հայտնել է, որ ամերիկացի պաշտոնյաները Մյունխենում Վլադիմիր Զելենսկու հետ հանդիպման ժամանակ առաջարկել են նրան ստորագրել փաստաթուղթ, որը ԱՄՆ-ին կփոխանցի Ուկրաինայի դեռևս արդյունահանվող հանքային պաշարների 50 տոկոսի իրավունքները: Հաջորդ օրը Զելենսկին ասաց, որ հրաժարվել է թույլ տալ ԱՄՆ փոխնախագահ Ջ.Դ. Վենսին ստորագրել համաձայնագիրը։

Թարգմանությունը՝ Մանուել Թամազյանի