127 մլն տարի առաջ ապրած դինոզավրի հետք է հայտնաբերվել

Մեծ Բրիտանիայում տղամարդը 127 միլիոն տարվա վաղեմության դինոզավրի ոտնահետք է հայտնաբերել, հայտնում է Good News Network-ը։

Մեծ Բրիտանիայի Ուայթ կղզում հորդառատ անձրևներից հետո հայտնաբերվել է դինոզավրի հսկայական ոտնահետք, որը մոտ 127 միլիոն տարեկան է: Մոտ մեկ մետր երկարություն ունեցող երեք մատներով հետքը նկատել է 23-ամյա հնէաբան Ջո Թոմփսոնը՝ Շեփերդս Չայն լողափով քայլելիս:

Ջոն ասել է, որ հետքը տեսանելի է դարձել այն բանից հետո, երբ փոթորիկները լողափից քշել են խճաքարերի շերտը՝ բացահայտելով հնագույն կավը:

«Ես քայլեցի մեկ-երկու ժամ և ոչինչ չգտա, ուստի փոքր–ինչ վրդովված էի: Բայց հետո նայեցի ներքև և տեսա մատներից մեկը կավի մեջ։ Երբ սկսեցի մաքրել տարածքը, հայտնաբերեցի իգուանոդոնի բավականին մեծ ոտնահետք»,- պատմել է երիտասարդ պալեոնտոլոգը: