Ժամանակն է լինել ոչ միայն քրիստոնյա աշխարհի ժողովրդավարության դարպաս, այլև խաչմերուկ. Խանդանյան

Անհնար է փոխել երկրի աշխարհագրությունը։ Իհարկե, չենք կարող այս տարածաշրջանի քաղաքական քարտեզից կտրված լինել, հետևաբար շատ կարևոր է ունենալ տարածաշրջանային կայունություն: Անկախ նրանից՝ կլինե՞նք ԵՄ անդամ, թե՞ չենք լինի, միևնույն է՝ պետք է մնալ անկախ այս տարածաշրջանում: Այս մասին ԵՄ-Հայաստան խորհրդարանական գործընկերության կոմիտեի 4-րդ նիստին ասաց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը:

Անդրադառնալով «Խաղաղության խաչմերուկ» նախագծին՝ Խանդանյանը նշեց, որ սա ավելին է, քան կոմունիկացիաների բացման մասին խոսակցություն. «Մենք քրիստոնյա աշխարհի ժողովրդավարության դարպասներն ենք: Ժամանակն է լինել ոչ միայն դարպաս, այլև խաչմերուկ, համաշխարհային առևտուր, կապեր, հարթակ՝ տնտեսական, առևտրի, ինչպես նաև մշակութային, քաղաքական համագործակցության համար՝ արևելք, արևմուտք, հյուսիս, հարավի միջև»,- ասաց նա: