Մասկը կաթվածահար է արել ԱՄՆ դաշնային գերատեսչությունների գործունեությունը․ CNN
Կառավարության արդյունավետության գրասենյակի (DOGE) ղեկավարի պահանջը, որ ամերիկյան կառավարության աշխատակիցները զեկուցեն շաբաթվա ընթացքում կատարված աշխատանքի մասին, կաթվածահար է արել ԱՄՆ դաշնային գերատեսչությունների գործունեությունը։ Այս մասին հայտնում է CNN-ը։
Ավելի վաղ Մասկը հայտարարել էր, որ նամակներ է ուղարկելու ամերիկյան կառավարության աշխատակիցներին՝ պահանջելով նրանց զեկուցել շաբաթվա ընթացքում կատարած աշխատանքի մասին։ Նա զգուշացրել է, որ չպատասխանելը ընդունվելու է որպես հրաժարական։
Պաշտոնյաները հեռուստաալիքին ասել են, որ չեն կարող հասկանալ՝ արդյոք անհրաժեշտ է պատասխանել Մասկի նամակին։
Ոմանց ասվել է հրամանը կատարել, մյուսներին խորհուրդ է տրվել չանել։ Իսկ ոմանք էլ մինչև օրվա վերջ սպասել են իրենց գերատեսչությունների ղեկավարների հրահանգներին:
«Մեր ղեկավարն ասաց, որ դա պարտադիր է: Այնուհետև Անձնակազմի կառավարման գրասենյակն ասաց՝ կամավոր է: Հետո, կարծում եմ, Թրամփը նորից փաստեց՝ պարտադիր է: Ոչ ոք չգիտի, թե ով է ղեկավարում և ում լսել», - ասել է պաշտոնյաներից մեկը:
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
