Ինձ «վիժվածք» ասաց, թող մոտենար, քննադատեր աշխատանքս, ոչ թե անծանոթին վիրավորեր․ Ասլանյան
Քաղաքական
Եթե մարդը կատարել է որևէ արարք, դրան համապատասխան պիտի պատժվի։ Այս մասին լրագրողների հետ զրույցում նշեց ՔՊ-ից հեռացված պատգամավոր Հակոբ Ասլանյանը՝ անդրադառնալով Սամվել Վարդանյանի հետ «ավտոբուսի գործով» դատավարությանը:
«Անկախ նրանից, ես հիմա ՔՊ-ում եմ, ՔՊ-ում չեմ, օրենքը դա է պահանջում: Մեզանից յուրաքանչյուրը պետք է գիտակցի, որ իր իրավունքներն ավարտվում են այնտեղ, որտեղ սկսվում է դիմացինի իրավունքը և ոչ մեկն իրավունք չունի անձնական վիրավորանքներ հասցնելու որևէ մեկին»,- ասաց նա՝ նշելով, որ «մարդը կարող է մոտենալ, ասել՝ գիտեք դուք սխալ եք, սխալ եք անում, սխալ եք կառավարում, բայց ոչ թե ասի «նիկոլական վիժվածք» կամ ուրիշ բառեր»:
Հարցին՝ եթե հիմա լիներ միջադեպը, ձեր նախկին թիմակիցները, օրինակ, Ալեն Սիմոնյանը, կդատապարտեի՞ն, նա պատասխանեց. «Ինձ դա չի հետաքրքրում, ինձ հետաքրքրում է, որ անձամբ իմ անձն են վիրավորել, իմ տարիքը, ինձ պիտակավորել են, ուրեմն թող պատասխան տան օրենքի առջև»:
Նա չմեկնաբանեց Սամվել Վարդանյանի նկատմամբ կատարված բռնությունը. «Ինքը ՀՀ քաղաքացի է, իսկ ես քաղաքացի չե՞մ։ Բա որ քաղաքացի եմ, ի՞նչ բարոյական իրավունքով է ինձ տրանսպորտի մեջ վիրավորում, անձնական վիրավորանք հասցնում, խուլիգանություն անում»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
