«Էդ ի՞նչ ձևի շարժումներ էիք անում»․ դատավորը նկատողություն հայտարարեց Ռոբերտ Քոչարյանին

«Չգոռա՛ք», «Լռե՛ք», «Դատարանը թույլ չի տալիս դիրքորոշում հայտնել», «Մեկ մի ժպտա, մի՛ շնչի, մի՛ արտաշնչի»,– Հակակոռուպցիոն դատարանում՝ դատավոր Սարգիս Պետրոսյանի նախագահությամբ, լարված մթնոլորտում շարունակվում է ՀՀ երկրորդ նախագահ Ռոբերտ Քոչարյանի և մյուսների գործով դատավարությունը։

Ի վերջո դատավորը հայտարարեց՝ «Ռոբերտ Քոչարյա՛ն, ոտքի կանգնեք, էդ ի՞նչ ձևի շարժումներ էիք անում։ Դատարանը ձեզ նկատողություն է հայտարարում, դուք ոչ պատշաճ վարքագիծ եք դրսևորում դատական նիստերի դահլիճում»։

Ի պատասխան սրան՝ Քոչարյանն ասաց․ «Ադեկվատության խնդիր եմ այստեղ տեսնում, ժողովուրդ ջան։ Չշնչեք, չծիծաղեք, չժպտաք ․․․ էլ ի՞նչ չանենք։ Առաջարկում եմ հաջորդ նիստին բոլորս դիմակով գանք»։