ԱՄՆ-ում մասշտաբային բարեփոխումներ են սպասվում․ EAdaily

Բոլորը գիտակցում են, որ իրավիճակն աշխարհում արմատապես փոխվել է, բայց ոչ բոլորն են հասկանում, թե կոնկրետ ինչ և ինչպես է փոխվել։ Հաշվի առնելով դա՝ շատ մարդիկ, բնականաբար, հստակ պատկերացում չունեն, թե ինչպես վարվեն փոփոխված հանգամանքներում: Նախ փորձենք պարզել, թե ինչ է փոխվել ժամանակակից աշխարհում, գրում է EAdaily-ն։

Սկսենք նրանից, որ ԱՄՆ-ում ոչ միայն իշխանության եկավ նոր նախագահ, այլ ընտրվեց նախագահ, ով ունի այս պաշտոնի համար նոր որակներ ու հայացքներ, ով չի թաքցնում և չի փորձում թաքցնել այն խնդիրները, որոնք ազդել են իր երկրի վրա։ Ընդհակառակը, նա մերկացնում է դրանք և ցուցադրում հանրային ցուցադրության՝ բացահայտորեն մատնանշելով երկրի և ամերիկյան ժողովրդի բոլոր չարիքները։

«Մեր երկիրը թաղված է կոռուպցիայի մեջ», -սա Դոնալդ Թրամփի անկեղծ խոստովանությունն է։

«ԱՄՆ USAID-ն ապաշնորհ և հանցավոր կազմակերպություն է»,-սա նույնպես Թրամփի խոստովանությունն է։

«Իլոն Մասկը պետք է բացահայտի կրթական և պաշտպանական համակարգերում վատնվող ծախսերը»,-այս մասին նույնպես հայտարարել է ինքը՝ Թրամփը։

Միջազգային կազմակերպություններից մինչև կրթական և պաշտպանական համակարգեր՝ մի կողմից, և ներքին խնդիրներից մինչև արտաքին քաղաքական հարաբերություններ՝ մյուս կողմից, այդպիսի փոփոխությունների շրջանակն է, որին Թրամփն այնքան եռանդուն և, նույնիսկ կարելի է ասել, ագրեսիվ կերպով ձեռնարկել է:

Վերոնշյալը հստակ ցույց է տալիս ԱՄՆ-ում սպասվող փոփոխությունների ու բարեփոխումների մասշտաբները։

Ինչ վերաբերում է արտաքին քաղաքականությանը, գլխավորն այն է, որ Թրամփը, ի տարբերություն իր նախորդի, ընդունում է բազմաբևեռ աշխարհի գոյությունը։ Ռուսաստանի հետ բացահայտ առճակատման փոխարեն նա նախընտրում է երկխոսել նրա հետ՝ համատեղ քննարկելով հրատապ խնդիրներն ու հարցերը։