Իմպիչմենտի համար անհրաժեշտ երկու պայման կա․ Արմեն Ռուստամյան

Իմպիչմենտի հարցը մեր զինանոցում միշտ ունենք, բայց դրա համար անհրաժեշտ երկու պայման կա․ առաջինը՝ համաձայնվել մեկ միասնական թեկնածուի շուրջ, որվհետև այսօր իմպիչմենտը չի կարող առանց թեկնածու լինել։ Քանի որ իմպիչմենտը մեր համար դրական տրամաբանությամբ է գնում, պետք է ոչ միայն ասենք՝ Նիկոլ Փաշինյանը հեռանա, այլ նաև ասենք՝ ով է գալու նրա տեղը։ Հենց այդ մեկի շուրջ էլ համաձայնություն դեռ չի կայանում։ Բայց դա երևի մեր բացթողումներից մեկ է, որ կարողանանք մեկ անձի շուրջ համախմբվել և այդ թեկնածուհի հետ կապված հարցը լուծել։ Այս մասին ՀՅԴ 35-րդ ընդհանուր ժողովի մեկնարկից առաջ լրագրողների հետ զրույցում ասաց ՀՅԴ-ական, ԱԺ «Հայաստան» խմբակցության պատգամավոր Արմեն Ռուստամյանը։

«Երկրորդ՝ դրա համար անհրաժեշտ աջակցություն պետք է լինի փողոցում՝ այդ անձով պայմանավորված նաև։ Այդ անձը նաև պետք է թափ հաղորդի էն բոլոր լոզունգներին, որ մինչև հիմա եղել են։ Այդ անձը չպիտի նոր խնդիրներ առաջացնի, այլ համախմբի և նոր թափ հաղորդի»,– ասաց նա։