Շշուկներ կան, որ Օքսանա Սամոյլովան կրկին հղի է

Բազմազավակ մայր Օքսանա Սամոյլովան երկրպագուներին տեղիք է տվել մտածելու, որ կրկին երեխայի է սպասում։ Նա Ջիգանի հետ միասին մեծացնում է չորս երեխաներին, որոնցից ամենափոքրը մի քանի օր առաջ դարձավ 5 տարեկան։ Ավելի վաղ գործարարը խոստովանել էր, որ ցանկանում է ևս մեկ երեխա ունենալ, բայց հասկանում էր, որ դեռ չի կարողանա հաղթահարել դժվարությունները, քանի դեռ փոքրերը շատ փոքր են։ Կարծես թե այժմ 38-ամյա մոդելի համար իդեալական պահն է եկել։ 

Օրեր առաջ Օքսանան իր բլոգում հրապարակել է երկիմաստ տեսանյութ, որտեղ նա ակնարկել է իր հղիության մասին։ Նա խոստովանել է, որ շատ անհանգստացած է, քանի որ պետք է իր ամուսնուն՝ Ջիգանին, կարևոր նորություն հայտնի։ Այդ ողջ ընթացքում Օքսանան ձեռքը պահել է որովայնին և շոյել այն։ «Հարգելիներս, ես չեմ կարող, ուղղակի չգիտեմ, թե որտեղից սկսեմ... Մարտի 3-ին պետք է Դենիսին (ռեփերի իրական անունը) ասեմ նորությունը։ Դեռ չգիտեմ, թե ինչպես կարձագանքի, բայց այլևս հնարավոր չէ լռել և թաքցնել այն»,- ասել է Օքսանան։