Մասիս համայնքի ղեկավարը հյուրընկալել է աշակերտներին և քոլեջի սաներին (լուսանկարներ)

 

Հանդիպման առանցքային թեման գիրքն էր, ընթերցանությունը։

 

Ողջունելով հանդիպման մասնակիցներին` հետաքրքրվեցի, թե վերջին շրջանում ներկաներից յուրաքանչյուրն ի՞նչ գիրք է կարդացել, ի՞նչ եզրակացություն են կատարել։

Պատանիներն ու աղջիկները կարևորեցին նմանօրինակ հանդիպումները, որոնք պարբերական բնույթ են կրում և ոգևորությամբ խոսեցին կարդացած վերջին գրքի մասին` առանձնացնելով կարևոր ու ուսուցանող կետեր։

 

Ներկաները նշեցին, որ սիրով են կարդացել համայնքապետարանի կողմից նվեր ստացած գրքերը։

 

Լսելով ներկաներին` ես առանձնակի շեշտադրեցի այն հանգամանքը, որ տեղեկատվական տեխնոլոգիաների ժամանակահատվածում կա սեր ու հետաքրքրություն գրքի ու ընթերցանության նկատմամբ և հորդորեցի, որ ավելի շատ կարդան։

 

Հանդիպման ընթացքում սիրով պատասխանեցի նաև հնչեցված հարցերին` անդրադառնալով նաև առաջիկա մի շարք ծրագրերի։

 

Քննարկեցինք նաև մի քանի առաջարկներ, որոնք շուտով իրականություն կդառնան։