ԱԳՆ–ի հայտարարությամբ հայ ժողովրդին դնում են հավի տեղ․ Մենուա Սողոմոնյան

Արտաքին գործերի նախարարության հայտարարությունը հերթապահ էր, ձևական էր և ստիպված էր, ստիպված այնքանով, որքանով որ պետք էր ինչ-որ մի բան գրել։ Բայց այդ հայտարարության մեջ չհնչեց ամենակարևորը, որ Սումգայիթում ցեղասպանություն էր, ցեղասպանության փորձ էր, որովհետև Սումգայիթում զոհված հայերը զոհվել են հայ լինելու համար։ Այդ գնահատականը արտաքին գործերի նախարարության հայտարարության մեջ չկար, բացակայում էր։ Այս մասին լրագրողներ հետ զրույցում ասել է «ՀայաՔվե» նախաձեռնության անդամ Մենուա Սողոմոնյանը։

«Ադրբեջանն արտերկրի իր բոլոր դեսպանություններում հիշատակում էին այսպես կոչված՝ «Խոջալուի հիշատակությանը օրը»․ այն, ինչ ադրբեջանցիների բերանով, սարքվել է ներքաղաքական նկատառումներով օգտագործվելու համար։ Ադրբեջանում Խոջալուի հետ կապված օգտագործում են «ցեղասպանություն» տերմինը և դա դարձնում են քարոզչական գլխավոր թեզը, իսկ Սումգայիթի հետ կապված ՀՀ ԱԳՆ–ի հայտարարությունն ավարտվում է նրանով, որ իրենք հավատում են՝ կհաղթահարեն թշնամությունը։ Անկախ նրանից, թե այդ հավատքն ուղղված է ներթին, թե արտաքին լսարանին, այն ամբողջապես սուտ է և մոլորեցնող, նման հայտարարությամբ հայ ժողովրդին դնում են հավի տեղ»,– ասաց նա։