Մտածում եմ՝ ինչու Ռուբեն Վարդանյանը ուղղաթիռով չի վերադարձել․ Նարինե Գրգորյան

Շատ եմ ափսոսում, որ չենք կարողանում տեր կանգնել մեր հայրենակիցներին, այստեղ եմ՝ հասկանալու համար, թե ինչ լծակներ կան, ինչ քայլեր կարելի է անել՝ օգնելու համար։ Այս մասին լրագրողների հետ զրույցում ասաց Համազգային թատրոնի գեղարվեստական ղեկավար Նարինե Գրգորյանը ՝ նշելով, որ իր հայրը նույնպես գերի է եղել։

«Իմ հայրը 91 թվականին է գերի ընկել, «Օմոնն» էր տարել, Շուշիի բանտում է եղել և հետո ազատ արձակվել»,– հավելեց նա։

Գրիգորյանը նշեց, որ Ռուբեն Վարդանյանն իրեն հարցազրույցի ժամանակ ասել էր, որ գնալու է Արցախ՝ այնտեղ ապրելու և իրեն էլ է հարցրել, թե ինչու ինքը չի տեղափոխվում այնտեղ։

«Ռուբեն Վարդանյանի հետ մի տեսակ հոգևոր կապ կա, մտածում եմ՝ ինչու ուղղաթիռով չի վերադարձել, ինչու չի զգացել այդ վտանգը»,– ասաց նա։