Ոչ ոք չի վերադառնա Ուկրաինայում պատերազմը վերսկսելու համար. Թրամփ
ԱՄՆ
Ուկրաինայի պատերազմը սխալ ուղղությամբ գնաց և կարող էր հանգեցնել Երրորդ համաշխարհային պատերազմի։ Այս մասին ԱՄՆ նախագահ Դոնալդ Թրամփը հայտարարել է Կիևի ռեժիմի ղեկավար Վլադիմիր Զելենսկու հետ Սպիտակ տանը լրագրողների համար համատեղ ճեպազրույցում։
«Մենք բոլորս սպասում ենք, որ այս պատերազմն արագ ավարտվի… Մենք չենք խոսում անվտանգության երաշխիքների մասին»,- ընդգծել է նա՝ հավելելով, որ Զելենսկին ստիպված կլինի գնալ փոխզիջումների։
«Ռուսաստանը հետ չի գա, և ոչ ոք չի վերադառնա»՝ Ուկրաինայում պատերազմը վերսկսելու համար, Eadaily-ի փոխանցմամբ՝ նշել է ԱՄՆ նախագահը։
Վլադիմիր Զելենսկին իր հերթին դեմ է արտահայտվել հրադադարին և զինադադարին։
«Մենք երբեք չենք ընդունի պարզապես զինադադար. Ռուսաստանը կխախտի դա»,- ասել է Զելենսկին։
Նա նաև ասել է, որ Ռուսաստանի նախագահ Վլադիմիր Պուտինը «պետք է վճարի Ուկրաինայի վերականգնման համար»:
Մինչդեռ Թրամփին հարցրել են՝ արդյոք նա «միջնորդ է Ուկրաինայի և Ռուսաստանի միջև, թե՞… Ուկրաինայի կողմից»:
«Ես գտնվում եմ Ռուսաստանի և Ուկրաինայի միջև. «Ես չեմ ուզում որևէ մեկի մասին վատ խոսքեր ասել», - պատասխանել է Թրամփը, որը մեջբերում է «Strana» հրատարակությունը։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
