WP. ԱՄՆ-ը դիտարկում է Ուկրաինային ռազմական օգնության բոլոր մատակարարումները դադարեցնելու հարցը
ԱՄՆ
ԱՄՆ նախագահ Դոնալդ Թրամփը, Ուկրաինայի առաջնորդ Վլադիմիր Զելենսկու հետ Սպիտակ տանը վեճից հետո, ընդունում է Ուկրաինային ռազմական օգնության բոլոր ընթացիկ մատակարարումները դադարեցնելու հնարավորությունը, գրում է The Washington Post (WP)-ը՝ վկայակոչելով ԱՄՆ նախագահի վարչակազմի բարձրաստիճան աղբյուրին։
«Թրամփի վարչակազմը դիտարկում է Ուկրաինային ընթացիկ ռազմական օգնությունը դադարեցնելու հարցը՝ ի պատասխան նախագահ Վլադիմիր Զելենսկու ուրբաթ օրը Օվալաձև աշխատասենյակում հնչեցրած խոսքերի», - ասվում է հրատարակության մեջ:
Հիշեցնենք, որ փետրվարի 28-ին Թրամփը Զելենսկու հետ հանդիպմանը քննադատել էր նրան և մեղադրել երրորդ համաշխարհային պատերազմ հրահրելու փորձի մեջ։ Ինչպես ընդգծել է Սպիտակ տան ղեկավարը, Միացյալ Նահանգները ձգտում է դադարեցնել հակամարտությունը Ուկրաինայում, որպեսզի «փրկեն կյանքեր» և «խնայեն մեծ գումարներ»։
Ավելի վաղ՝ փետրվարի 26-ին, ԱՄՆ առաջնորդ Դոնալդ Թրամփը Սպիտակ տան լրագրողների հետ Օվալաձև աշխատասենյակում զրույցի ժամանակ հայտարարել էր, որ Ուկրաինայում հակամարտությունն առանց Կիևի վարչակարգի աջակցության ԱՄՆ-ից կավարտվի ամենակարճ ժամկետում։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
