Չեմպիոնների լիգայի խաղը ցանկանում էին հետաձգել Ռոնալդուի կյանքին սպառնացող վտանգի պատճառով

Սաուդյան Արաբիայի «Ալ Նասր» ֆուտբոլային ակումբը ցանկացել է ասիական Չեմպիոնների Լիգայի 1/8 եզրափակիչի խաղը Թեհրանից տեղափոխել այլ քաղաք ՝ թիմի հարձակվող Կրիշտիանու Ռոնալդուի կյանքին սպառնացող վտանգի պատճառով, հաղորդում Է Daily Mail-ը:

Աղբյուրի տեղեկություններով՝ «Ալ Նասրը» նման խնդրանքով դիմել է Ասիական ֆուտբոլի կոնֆեդերացիային, քանի որ Թեհրանում վերջին հանդիպումը ավարտվել է սկանդալով։

Այդ ժամանակ իրանցի իրավապահները ցրել էին հարյուրավոր երկրպագուների, որոնք ցանկանում էին հասնել հյուրանոց, որտեղ Ռոնալդուն էր:

Ասիայի ֆուտբոլի կոնֆեդերացիան մերժել է «Ալ Նասր»-ի խնդրանքը:

Հանդիպումը կկայանա մարտի 3-ին, իսկ Ռոնալդուի մասնակցության մասին կհայտարարվի ավելի ուշ։