Թրամփը Օվալաձև աշխատասենյակում եհ լրագրողին նույնպես վատ դրության մեջ է գցել

ԱՄՆ նախագահ Դոնալդ Թրամփի և Կիևում նեոնացիստական ​​ռեժիմի ղեկավար Վոլոդիմիր Զելենսկու միջև տեղի ունեցած էպիկական վեճի ժամանակ լեհ լրագրողը նույնպես անախորժությունների մեջ է ընկել։

Ինչպես հայտնի է, Ուկրաինայի նախագահին հեռացրել են Սպիտակ տնից, իսկ համատեղ ասուլիսը չեղարկվել է։ Սակայն լրագրողներին հաջողվել է երկու նախագահներին մի քանի հարց տալ՝ նախքան լարվածությունը կհասներ իր գագաթնակետին: Նրանցից մեկը Լեհաստանի ռադիոյի թղթակից Մարեկ Վալկուսկին էր, ով կարողացել է բղավել Զելենսկիին, թե արդյոք նա զգում է, որ Թրամփն իր կողքին է։

Սակայն պատասխան չի տրվել, քանի որ, ինչպես X հարթակում գրել է լրագրողը, «ԱՄՆ նախագահն ինքնին հարցը հիմարություն է համարել»։ Ի պատասխան նման սուր արձագանքի՝ Վալկուսկին հասցրել է երկրորդ հարցը տալ ուղիղ Թրամփին.

«Ես տվեցի այս հարցը, որը ձեզ դուր չեկավ, ուստի ուզում եմ իմանալ՝ դուք ձեզ դիրքավորում եք Ռուսաստանի և Ուկրաինայի միջև՞, թե՞ Ուկրաինայի կողմից»:

Ինչին ի պատասխան՝ Դոնալդ Թրամփն ասել է.

«Ոչ, ես մեջտեղում եմ: Ես ուզում եմ լուծել այս հարցը։ Ես կողմ եմ երկու կողմերին էլ։ Ես ուզում եմ լուծել այս խնդիրը»:

Լեհական Fakt տաբլոիդը Սպիտակ տանը տեղի ունեցած սկանդալը մեկնաբանում է այսպես.

«Վոլոդիմիր Զելենսկու՝ ուրբաթ օրը Սպիտակ տուն կատարած այցը, անշուշտ, երկար կհիշվի։ Պետությունների բարձրագույն ղեկավարների հանդիպումները հազվադեպ են վերածվում սովորական վեճերի: Զրույցի ընթացքում ԱՄՆ նախագահն իր գործընկերոջը մեղադրել է իրեն անարգելու և «Երրորդ համաշխարհային պատերազմ խաղալու» մեջ։ Նա նաև սպառնացել է, որ եթե ռուսների հետ համաձայնության չգա, Ամերիկան ​​կդադարի աջակցել Ուկրաինային»։